Тик Ток айрим фойдаланувчиларга чекловлар қўйди

0

Қисқва видеолар сервиси Тик Ток 18 ёшдан кичик фойдаланувчиларга бир қатор чекловлар жорий этди.

Энди 13-15 ёшли болаларнинг аккаунтлари автоматик тарзда хусусийлашади – уларни фақатгина обуначилар кўра олиши мумкин, изоҳ қолдириш имконияти фақатгина “дўст”ларга берилади. Бошқалар учун боланинг аккаунти ёпиқ бўлади.

Прес релизда таъкидланишича, янги чоралар ўсмирларга “платформада чиқишларга ақл билан ёндашиш”га кўмаклашиши учун қилинмоқда. “Тик Ток платформада фойдаланувчилар,шу жумладан, вояга етмаганлар ўз ижодлари билан бўлишишлари учун дўстона ва хавфсиз муҳитни яратмоқчи ” деб тушунтириш берилди компания томонидан. Янги тартиб бугундан кучга киради.

Бундан ташқари, 13-15 ёшли фойдаланувчиларга “Бошқаларга ҳисоб қайдномасини таклиф этиш ” функциясини ўчиради. Дуэт функцияси, бошқаларнинг лавҳаларидан ўз роликларида фойдаланиш – стичтинг ва видео юклаб олиш ҳам мумкин бўлмайди.

16-17 ёшли ўсмирлар дуэт опцияси ва стичтинг фақат “дўстлар” учун очиқ бўлади. Бошқа фойдаланувчи муаллиф 16 ёшга тўлган тақдирдагина унинг ролигини сақлаб олиши мумкин.

2019 йил февралида АҚШ ҳукумати Тик Токка вояга етмаганларнинг исми, электрон почтаси ва яшаш манзилини тўплагани учун 5,7 миллион доллар жаримага тортган эди. Шундан сўнг болалар фақатгина видео томоша қила оладиган, аммо контент ва изоҳ қолдира олмайдиган бўлим пайдо бўлди.

2020 йилда Тик Ток дастурчилари “Хавфсиз оила режими”ни илова қилишди. Бу илова ота-оналарга вояга етмаганларнинг шахсий маълумотларини тўлиқ сир сақлаш имконини беради. “Оила” режимини ота-она рухсатисиз ўчириш мумкин эмас.

vesti.ru

loading...