Volodin: «Amerika ijtimoiy tarmoqlaridagi bu singari surbetlik Rossiyada yuz bermasligi muhim»

0

Butun dunyoni demokratiya standartlariga o'rgatuvchi AQSh hammasini o'zi barbod qildi, deb bayonot berdi Rossiya Parlamenti quyi palatasi raisi Vyacheslav Volodin.

«Hamkasblar, yuz bergan voqealar yuzasidan yana bir bor mulohaza qilib ko'ring. Amaldagi prezident uchun ovoz bergan 75 million nafar amerikaliklarni, uning tarafdorlarini fkndamental huquq – so'z erkinligidan mahrum qilishdi», – dedi u bahorgi sessiya ochilishi vaqtida.

Parlament quyi palatasi raisi, amerikalik yetakchiga kommunikatsiyalarga dostupni yopib qo'yishgani, u saylovchilar bilan yirik ijtimoiy tarmoqlar orqali muloqot qilishdan mahrum etilgani, va bu sud qarori bilan ro'y bermaganini eslatib o'tdi.

Amerika ijtimoiy tarmoqlaridagi bu singari surbetlik Rossiyada yuz bermasligi muhim, deya ogohlantirdi Volodin.

Endilikda uzoq muddatli qamoq jazosi kutayotgan Vashingtondagi Kapitoliy shturmi ishtirokchilarini u siyosiy mahbuslarga qiyosladi.

«Hamma joyda sanksiyalanmagan siyosiy aksiyalar ishtirokchilari Vashington tomonidan erkinlik va demokratiya uchun kurashchilar deb atalgan. Xuddi shu holat Qo'shma Shtatlarning o'zida ro'y berganida, ular bu odamlarni ichki terrorchilar, deb atashdi, endi u insonlarni 15-20 yildan qamoq jazosi kutmoqda. Mana, haqiqiy siyosiy mahbuslar shular bo'ladi. Hamma narsani o'z nomi bilan atamoq kerak», – dedi Rossiya Davlat dumasi raisi.

Volodin amerika saylov tizimini arxaik, yopiq va jamiyat nazoratidan tashqarida, deya atadi.

«Agar kecha ularning bizning davlat va boshqa mamlakatlardagi saylov kampaniyalariga aralashuvi ular tajribalariga asoslangan demokratiyaning yuqori standartlarini joriy etish zarurati bilan niqoblangan bo'lsa, bugungi kunda Amerika Qo'shma Shtatlarining o'zida bu standartlar yo'qligi hammaga ayon bo'ldi», – dedi u.

Spiker AQShda saylovlar xalqaro kuzatuvchilarining yagona va samarali instituti yo'qligini qo'shimcha qildi.

«Pochta orqali ovoz berish tanqidlarga dosh berolmaydi. Ovoz beruvchilarga byulletenlar jo'natilishi nazoratdan tashqarida, bu byulletenlar bo'yicha kim va qachon ovoz berganligini tekshirib bo'lmaydi», – dedi u.

Bunday standartlar bilan amerikaliklar boshqa mamlakatlarga qandaydir shartlarni qo'ya olmaydi, deb hisoblaydi Davlat dumasi raisi.

«AQSh prezidentligiga saylovlarda umumiy saylovchilarning 62 foizidan ko'prog'i ovoz berish jarayoni jamoatchilikdan yopiq tarzda o'tdi. Bu demokratik davlatlarda amal qilgan qoidalarga va biz standart deb belgilagan talablarga mos kelmaydi. Bunday shaffof bo'lmagan saylov jarayoniga ega bo'lgan davlat boshqa mamlakatlarga saylov kampaniyalariga aralashish u yoqda tursin, biron narsani uqtirish huquqiga ega emas», – deya xulosa qildi u.

Volodin Davlat Dumasining Xalqaro masalalar bo'yicha qo'mitasiga AQShdagi saylovlar paytida so'z erkinligi bilan bog'liq vaziyat yuzasidan xalqaro tashkilotlarga taklif tayyorlashni buyurdi.

sputniknews-uz.com

loading...