Ичкилик сабаб падаркушга айланган ўғил

0

Қашқадарё вилояти Қарши туманида ўғлининг маст ҳолда танишидан иш ҳақини талаб қилиш учун пичоқ билан уйидан чиқиб кетишига тўсқинлик қилган отанинг ўз ўғли томонидан пичоқланди.

Маълум қилинишича, ўғил 2020 йил 3 ноябрь куни соат 18:00 ларда кўчада спиртли ичимлик истеъмол қилиб, маст ҳолатда ўз уйига келган ва фермер хўжалигида бирга ишлаган таниши билан телефонда тортишиб қолган.

Ўғил қўлига пичоқ олиб, ташқарига чиқиб кетаётганида унинг 1955 йилда туғилган отаси ўғлини тўхтатиб қолишга уринган. Бироқ ўғил отасига йўлини тўсмаслигини, иш ҳақини олиб келиш учун бораётганини айтганида ота унга маст ҳолатга кўчага чиқишига рухсат бермаган. Ота-бола ўртасида юзага келган ўзаро жанжал оқибатида ўғил пичоқни отанинг чап кўкрак соҳасига санчиб олиб, уни қасддан ўлдирган.

loading...