AQSh Afg'onistonga toliblar bilan birga hukumat tuzish rejasini taklif qildi

0

AQSh davlat kotibi Entoni Blinken «Tolibon» vakillari bilan birga Afg'oniston hukumatini shakllantirish uchun BMT rahbarligi ostida konferensiya tashkil etishni taklif qildi. Bu haqda The New York Times gazetasi Afg'oniston prezidenti Ashraf G'aniga yo'naltirilgan maktubga tayanib xabar bergan.

Konferensiya, Blinkenning taklifiga ko'ra, Turkiyada AQSh, Rossiya, Xitoy, Pokiston, Eron va Hindiston vakillari ishtirokida bo'lib o'tishi kerak. Shuningdek, Blinken toliblarning yangi hukumatdagi vakilligi, Saudiya Arabistoni Konstitutsiyasini o'zgartirish bo'yicha rejalarni hamda keyinchalik o't ochishni to'xtatishga ulanib ketuvchi uch oylik zo'ravonlikni to'xtatish shartlarini tushuntirib berdi. Rejalar vaqtinchalik hukumatni shakllantirgandan keyin saylovlar o'tkazishni ham ko'zda tutadi.

Blinkenning xati 28 fevral kuni yozilgan. NYT manbalari maktub AQShning Afg'oniston bo'yicha maxsus vakili Zalmay Xalilzod tomonidan G'aniga yetkazilganini tasdiqladi. O'tgan hafta Xalilzod AQShda ma'muriyat o'zgarganidan buyon birinchi marta toliblar bilan uchrashuv o'tkazgandi.

Avvalroq The Wall Street Journal AQSh vakili 2001 yilda Bonnda o'tkazilgan konferensiya shaklida Afg'oniston bo'yicha konferensiya chaqirishni, shuningdek, o'tish davri hukumatini shakllantirishni taklif qilgan edi. Parlament qarshisida nutq so'zlar ekan, G'ani o'tish davri hukumati to'g'risidagi xabarlarni rad etdi va hokimiyatning konstitutsiyaviy ravishda topshirilishi «murosasiz tamoyil» bo'lib qolishini aytdi.

loading...