ҚИЗЛАР БИЛАН ТАНИШИШ — УСУЛЛАРИ, СИРЛАРИ, РEАЛ ҲАЁТДА ВА ИНТEРНEТДА ТАНИШУВ ЙЎЛЛАРИ

0

Замонавий дунёда жуфт топиш унчалик ҳам қийин эмас. Фақат имкониятлардан тўғри фойдаланиш керак. Ушбу мақоладаги маслаҳатлар, усуллар ва сирлар таниш бўлмаган қизнинг диққатини жалб қилиш ва ҳақиқий ҳаётда, интернетда, танишув сайтларида қизлар билан танишиш имкониятингизни оширишга ёрдам беради.

РEАЛ ҲАЁТДА ҚИЗЛАР БИЛАН ТАНИШИШ УСУЛЛАРИ

Одатий ҳаётда тасодифий танишиш тобора «эскичилик»ни эслатмоқда. Шунга қарамай, бу ўз набираларингизга айтиб берадиган энг романтик вазиятлардан бири.

Шу билан бирга, бу йўл бошқа бир қатор инкор этилмайдиган афзалликларга эга. Биринчидан, ҳар доим ҳақиқий инсонни кўрасиз, унинг қайта ишланган, ярим томондан туширилган «10 йил олдинги» суратини эмас. Иккинчидан, сиз ўз жозибангизни максимал даражада ишлатишингиз мумкин: афсуски, виртуал алоқа ҳали ҳам барча тириклик нюансларини етказиб бера олмайди.

Қизлар билан офлайн тартибда танишиш учун фойдаланишингиз мумкин бўлган айрим усуллар.

1. ИШОНЧ ВА ОШКОРАЛИКНИ НАМОЙИШ ЭТИНГ
Ҳақиқий ҳаётда танишув пайтида новербал (тана ҳаракатлари) сигналлар сизга қўл келиши мумкин. Очиқ позалар, барқарор (лекин ортиқча бўлмаган) кўз контакти ва самимий табассумни унутманг. Улар ишнинг ярмини бажаради: нотаниш қизнинг эътиборини тортади.

2. ЁРДАМ ТАКЛИФ ҚИЛИНГ
Қизларга оғир чамадонини олиб боришга ёрдам беришни ёки йўлни тушунтиришни таклиф этадиган одобли бегона йигит, қоида тариқасида, уларнинг хушнуд бўлишига сабаб бўлади. Фақат мулойимлик билан безовта қилишни адаштирмаслик керак. Одатда «йўқ» бу «йўқ» деган маънони англатади ва ҳаддан ташқари қатъийлик сизга балл қўшмайди.

3. БEГОНА ҚИЗГА ТEГИШЛИ ҲАР ҚАНДАЙ МАЪЛУМОТЛАРДАН ФОЙДАЛАНИНГ
У метрода ёки жамоат транспортида таниқли муаллиф китобини ўқимоқдами? Ёки унда Дарт Вейдернинг расми туширилган кўйлак мавжудми? Бу биринчи суҳбатни бошлаш учун тайёр мавзу.

Лекин бу ерда ҳам мулоҳаза юритиш лозим. Қизнинг қўл телефонидаги воқеаларга фикр билдириш керак эмас, ҳатто уни қўли билан ёпмаса ҳам. Бу шахсий ҳаётга аралашиш ҳисобланади.

4. ВАЗИЯТДАН ФОЙДАЛАНИНГ
Агар сиз концерт ёки кўргазмада бўлсангиз, унда сизнинг қизиқишларингиз қизнинг қизиқишлари билан, эҳтимол, мос келади ва суҳбат мавзусини топиш осонроқ бўлади. Бу шунингдек энг одатий жойлар: дўкон, кафе, спорт зали бўлиши мумкин. Ҳатто уй-жой ширкати, нима учун йўқ, шундайми?

Суҳбатни бошлаш учун атроф-муҳитдан сабаб сифатида фойдаланинг. Мисол учун, қизга у ишонса бўладиган кишидек кўринишини айтиб, қайси маҳсулот ёки таомни танлашни яхши деб сўраш мумкин. Машғулотларнинг нюанслари ёки маҳалла билан боғлиқ масалаларни муҳокама қилинг. Умуман, кундалик ҳаётнинг барча ресурсларидан максимал даражада фойдаланинг.

5. ИЛТИФОТ ҚИЛИНГ

Агар илтифот, оддийликдан маҳрум бўлиб, аниқ бўлса, бу ғалаба қозониш варианти саналади. Кўзлари уммондек ва сочлари шаршара каби эканлигидек оддий ва сийқаси чиққан сўзларни унутинг. Бироқ, оригиналлик бобида меъёридан ошириб ҳам юборманг: қизда дунёдаги энг яхши бармоқ қалинлиги ёки тишларининг идеал қийшиқлиги ҳақидаги маълумот танишиш вақтида, албатта, кераксиз.

Олдиндан тайёрланган жуда ҳашаматли гаплардан ҳам воз кечган яхши. Чунки, иккинчи (учинчи, тўртинчи ва ҳоказо) гаплар биринчи гапнинг виртуозлигига мос келиши керак. Акс ҳолда, барча ҳаракатлар зоэ кетади.

Агар ўз ораторлик қобилиятингизга ишончингиз комил бўлмаса, шунчаки ёнига бориб, қизни ёқтириб қолганингизни, у сизда қизиқиш уйғотганини тан олинг. Самимият ҳар қандай яхши ўйланган «гап отиш»лардан яхшироқдир.

6. ХАВФСИЗЛИК ТАРАТИНГ
Реал ҳаётдаги танишишлар деярли ҳар доим кутилмаганда содир бўлади. Барча тўсатдан ва номаълум ҳодисалар хавф билан тенглаштирилади. Шунинг учун, ўта хушмуомала, одобли бўлинг ва ҳеч қачон қизнинг шахсий зонасига кирманг. Акс ҳолда, сизнинг ҳис-туйғуларингиз уни чўчитиб, тезроқ қочиб қолишга ундайди. Ҳатто қолган ҳамма нарсани тўғри қилсангиз ҳам.

ИЖТИМОИЙ ТАРМОҚЛАРДА ҚИЗЛАР БИЛАН ҚАНДАЙ ТАНИШИШ КEРАК
Ижтимоий тармоқларнинг афзаллиги яққол маълум: улар танишиш истагида бўлган киши ҳақида кўплаб маълумотлар беради ва қандайдир маънода биринчи қадамни соддалаштиради. Лекин бу ерда ҳам қоқилиш мумкин бўлган жойлар мавжуд. Чиройли нотаниш қизнинг эътиборни жалб қилиш учун қуйидаги маслаҳатлардан фойдаланинг.

1. ЖУФТНИ МАВЗУВИЙ ГУРУҲЛАРДА ҚИДИРИНГ
Танишиш ва мос келадиган қизни топишнинг энг осон усули — бу қизиқиш бўйича танлашдир. Гуруҳлар, пабликлар, ижтимоий тармоқлардаги тадбирлар — ўша ернинг ўзидаёқ танишиш ёки қизга мурожаат қилишингиз мумкин. Суҳбат учун мавзуларнинг тахминий рўйхатини тузиш қийин бўлмайди.

2. ХАТ ЁКИ ШАРҲЛАР ЁЗИНГ
Агар қиз билан танишишни истасангиз, буни жим равишда ўнлаб лайклар босишдан кўра сўзлар билан ифодалаш яхшироқ. Ҳадеб лайклар босаверишда сизни ноадекват ёки инфантил одам деб қабул қилишлари мумкин.

3. ОНЛАЙН ХАТТИ-ҲАРАКАТЛАРИНГИЗНИ КУЗАТИБ БОРИНГ
Яқинда бошқа қиз билан муносабатларингизни тугатганингиз ҳақида ёзувлар чоп этдингизми? Барча аёллар бир хил ёмон кабилидаги суратларни жойлайсизми? Шарҳларда қўполлик қиласизми? Шундай бўлса, юборган хатларингиз жавобсиз қолганига ҳайрон бўлманг.

4. САВОДХОНЛИККА АМАЛ ҚИЛИНГ

Пунктуаллик — шоҳларнинг хушмуомалалиги бўлса, саводхонлик — интернет фойдаланувчиларининг хушмуомалалиги саналади. Ва бу интелектуал ривожланганлигингизнинг биринчи далилидир. Шунинг учун ҳеч бўлмаганда оддий хатоларга йўл қўймасликка ҳаракат қилинг. Шубҳа туғилганда, луғатдан ёки мавзуси мос келадиган манбалардан жавобларни изланг.

5. ЧEГАРАДАН ЧИҚИБ КEТМАНГ
Дарҳол «сен»га ўтиш бировга шошилишдек туюлиши мумкин. Лекин айни пайтда ҳадеб «сиз» деб ёзиб, бир вақтнинг ўзида ХИХ асрнинг стилистикасини ишлатиш ҳам энг яхши танлов эмас. Бундай ҳолда, сиз қизиқарли ва замонавий инсондек эмас, ғалати қария каби таассурот уйғотасиз.

ТАНИШУВ САЙТЛАРИДА ҚИЗЛАР БИЛАН ҚАНДАЙ ТАНИШИШ МУМКИН: ЙЎЛЛАРИ
Бир қарашда, махсус сайт ёки хизматлар орқали танишиш жуда осондек кўринади, чунки улардан танишиш истагида бўлган қизлар фойдаланишади. Аммо потенциал йўлдошлар ҳам кам эмас. Имкониятингизни ошириш учун қуйидаги қоидаларга риоя қилинг.

1. ПРОФИЛНИ ТЎЛДИРИШГА АҚЛ БИЛАН ЁНДАШИНГ
Жиддий муносабатлар истайсизми? Унда торс ва тананинг бошқа яланғоч қисмлари расмини жойлаштирманг (ёки ҳеч бўлмаганда асосий расм қилманг). Ҳатто сизда ақл бовар қилмайдиган пресс кубиклари бўлса ҳам. Бундай гўзалликни яшириш мумкин бўлмаса ҳам.

Яхшиси, шахсиятингизни очиб берадиган, юзингизни кўрсатадиган расмларга эътибор қаратинг.

Бундан ташқари, профилни батафсил тўлдириш ва қизиқишлар кўрсатилган бўлимга алоҳида эътибор бериш учун дангасалик қилманг. Эслаб қолинг: агар тавсиф қанчалик аниқ бўлса, мос келадиган қиз билан учрашиш эҳтимоли шунчалик кўпроқ бўлади. Шундай қилиб, умумий сўзлар билан чекланманг.

2. ЯНГИ ФОЙДАЛАНУВЧИЛАРДАН ҚОЧИНГ
Кўпгина танишув сайтлари янги фойдаланувчиларни реклама қилади: улар биринчи саҳифаларга ёки ҳар бир киши кўрадиган махсус бўлимларга жойлаштирилади. Натижада, янги рўйхатдан ўтганлар (айниқса, қизлар) жуда кўп хабарларни қабул қилишади. Демак, сизнинг хабарингиз шунчаки кўрилмай қолиб кетиши мумкин.

3. ФАМИЛИАР БЎЛМАНГ
Суратдаги қиз сизга мушукча ёки маликани эслатмасин, биринчи хатда унга бу ҳақида хабар бермаслик керак. Танишиш учун — ҳатто ихтисослашган сайтларда ҳам — эркалашли сўзлар ва мулойимлик ноўрин саналади.

4. ОДДИЙЛИККА «ЙЎҚ» ДEНГ
Танишув сайтлари ва хизматлари кенг танлов мавжудлиги ҳиссини яратади. Ва қизларга йигитларга кўра кўпроқ хабар олишлари инобатга олинса, йигитлар ажралиб туриши керак.

Шафқатсиз ҳақиқат: навбатдаги «салом, қандайсиз» жавоб бериш истагини уйғотмайди, эҳтирос билан стандарт сўроқ қилиш суҳбатни давом эттириш учун барча истакни йўқотади.

Аниқроқ бўлинг. Танишувни амалга ошириш учун қизнинг профилида кўрсатилган маълумотлардан фойдаланинг ёки суҳбат учун ўзгача мавзуни танланг. Мисол учун, ҳаётдаги ақл бовар қилмас воқеалар билан ўртоқлашиш ёки энг ғалати туш ҳақида гаплашишни таклиф қилинг. Натижада диққатни жалб қиласиз, зерикарли сўроқ қилишдан қочиб, орадаги музни эритасиз.

5. БИР ХИЛ ХАБАР ТАРҚАТИШНИ УНУТИНГ
Кўпчилик йигитлар юзлаб хушхабар ёзишдан чарчаб, битта — катта, батафсил ва универсал хабар ўйлаб топишни маъқул билишади. Ҳеч бўлмаганда, улар шундай деб ўйлашади. Аслида, шахсий мурожаатдан маҳрум бўлган матн дарҳол кўзга ташланади ва ундан ҳам камроқ қизиқиш уйғотади.

Маслаҳат оддий: қандай қиз қидираётганингизни аниқлаб олинг, мос номзодларни танлаш учун вақт ажратинг ва уларга камида битта, лекин жонли жумла ёзинг. Агар керак бўлса, буни такрорланг. Айтишадику, излаган топади деб.

Албатта, мақолада келтирилган баъзи тавсиялар универсалдир: тармоқда ҳам, реал ҳаётда ҳам хушмуомала, саводли ва меъйрони биладиган бўлиш мақсадга мувофиқдир. Ҳар қандай шароитда ишлайдиган яна иккита йўл бор: ўзига ишонган равишда ҳазиллашиб, қизга саволлар бериш ва шу тариқа унга нисбатан қизиқиш мавжудлигин намойиш этиш.

Манба