Чироқчида «Cobalt» билан тўқнашган «Nexia» зовурга ағдарилиб кетди

0

Қашқадарё вилояти Чироқчи туманида 30 март, сешанба куни «Cobalt» билан тўқнашган «Nexia»даги йўловчи ҳалок бўлди. Бу ҳақда Йўл ҳаракати хавфсизлиги ахборот хизмати хабар берди.

Маълум қилинишича, воқеа соат 17:30 атрофида Аннарус қишлоғи ҳудудидан ўтган А-378 Ғузор–Самарқанд автомобиль йўлининг 105-километрида содир бўлган. «Cobalt» ҳайдовчисининг таъкидлашича, у Тошкентдан Ғузорга қараб ҳаракатланиб кетаётган бўлган. Қайд этилишича, автоҳалокатга «Nexia» ҳайдовчиси кутилмаганда қайрилмоқчи бўлганида қарама-қарши томондан келаётган «Cobalt» билан ўртадаги масофани чамалай олмагани сабаб бўлган.

ЙТҲ оқибатида «Nexia» салонида бўлган йўловчи оғир тан жароҳати туфайли ҳалок бўлган. Бундан ташқари, яна бир йўловчи шифохонага ётқизилган.

loading...