Шу кунларда Исроил ҳукумати вазирлиги бир қатор мамлакатларда коронавируснинг тарқалиш кўрсаткичи билан боғлиқ янги огоҳлантириш билан чиққан.
Унга кўра, Аргентина, Украина, Эфиопия, Бразилия, Жанубий Африка, Ҳиндистон, Мексика, Туркия ва Россияга саёҳат қилиш бутунлай тақиқланган. Ушбу мамлакатларда бўлган барча йўловчилардан эса ҳатто улар коронавирусга қарши эмланган ёки унга чалиниб, тузалган бўлса ҳам ўзини изоляция қилиши таъкидланган.
Шунингдек, вазирлик фуқароларини коронавирус билан боғлиқ кўрсаткичлар сабаб Ўзбекистон, Ҳиндистон, Озарбайжон, БАА, Багама ороллари, Эстония, Эквадор, Болгария, Бельгия, Белорусь, Грузия, Германия, Филиппин, Танзания, Греция, Латвия, Литва, Черногория, Миср, Кения, Хорватия ва Руандага боришдан огоҳлантирган. Маълум қилинишича, ушбу чеклов 13 июнга қадар амал қилади ва агар керак бўлса, узайтирилиши мумкин.
Маълумот учун: пандемия бошланганидан буён Исроилда 839 мингдан ортиқ коронавирус инфекцияси аниқланган, 6 мингдан ортиқ одам вафот этган. 5,4 миллиондан ортиқ одам вакцинанинг биринчи дозаси билан, 5,1 миллиондан ортиқ одам иккинчи дозаси билан эмланган.
rbc.ru
