Жанубий Кореяга 46 тонна гилос экспорт қилинди

0

Бугун, 14 июнь куни эрта тонгда вилоят ҳокими ташаббуси билан Фарғона халқаро аэропортида ташкил этилган Фарғона (Ўзбекистон) – Инчхон(Жанубий Корея) юк авиарейсида вилоятда етиштирилган қиймати 246 минг долларлик 46 тонна гилос маҳсулотлари Фарғонадан Жанубий Кореяга экспортга юборилди. Бу ҳақда Фарғона вилояти ҳокимлиги хабар бермоқда.

Мазкур гилос маҳсулотларининг экспортга расмийлаштириш жараёни “Қиргули” ташқи иқтисодий фаолият божхона пости томонидан соддалаштирилган тартибда, тезкорлик билан амалга оширилди.

Фарғона халқаро аэропортида ташкил этилган маҳсулотларни сақлаш учун мўлжалланган музлатгич эса гилосларни сифати бузилмаган ҳолда сақлаш ва хорижга юбориш имконини бермоқда.

Маълумот тариқасида жорий йилнинг ўтган даври мобайнида вилоятда қиймати 25,5 миллион долларга тенг бўлган 10 минг 420 тонна гилос хорижга экспорт қилинди.

loading...