Ўзбек боксчилари Токиога йўл олишди

0

Яна 19 кундан сўнг Япония пойтахти Токио шаҳрида узоқ кутилган Олимпия ўйинлари старт олади.
Мусобақада қатнашадиган ўзбекистонлик боксчилар анъанага кўра, тайёргарликнинг сўнгги босқичини мусобақа ўтказиладиган манзил – Япониянинг ўзида олиб боришади.

Марат Қурбонов бошчилигидаги чарм қўлқоп усталаримиз бироздан сўнг Тошкент халқаро аэропортидан Японияга парвоз қилишади. Боксчиларимиз учта таркиб билан Токионинг ўзида тайёргарликни олиб боришади.

Боксчиларимиз кеча Ислом Каримов номидаги Тошкент халқаро аэропортида кузатиб қўйилди. Уларга аэропортда Ўзбекистон Миллий олимпия қўмитаси раиси Рустам Шоабдураҳмонов, шунингдек Ўзбекистон бокс федерацияси бош котиби Муроджон Мамадалиев ҳам омад тилашди.

loading...