Тошкент халқаро кинофестивали қайта тикланади

0

Тегишли қарорни Ш.Мирзиёев имзолади. Ҳужжат билан:

 

➖ Тошкент халқаро кинофестивалини қайта тиклаш ҳамда 2021 йилдан бошлаб, ҳар йили сентябрь-октябрь ойларида “Ипак йўли дурдонаси” номи билан Тошкент шаҳрида ўтказиш белгиланди;

 

➖ жорий йилнинг 28 сентябрь – 3 октябрь кунлари кинофестивални XIII Тошкент халқаро кинофестиваль сифатида нуфузли кинофестивалларнинг ғолиб ва номинантлари иштирокида “Тинчлик, тараққиёт ва маърифат” шиори остида ташкил этилади;

 

➖ кинофестиваль шиорига мос бўлган ва жаҳон кинематографияси ривожига катта ҳисса қўшган фильмлар ижодкорларини диплом, рамзий ҳайкалча ва $20 мингдан иборат бўлган 5 та пул мукофоти билан тақдирланади;

 

➖ Осиё ва Ипак йўли бўйлаб жойлашган мамлакатлар ёш киноижодкорларининг қисқа метражли фильмлари фестивали ўтказилиб, ғолиблар диплом ва жами $32 минг миқдоридаги пул мукофоти билан тақдирланади.

 

Тошкент халқаро кинофестивали 1968–1997 йиллар ўтказилган ва “Осиё, Африка ва Лотин Америкаси мамлакатлари кинофестивали” номи билан аталган.

 

loading...