Germaniyadagi kimyo zavodida kuchli portlash yuz berdi (video)

0

Germaniyaning g'arbiy qismidagi «Chempark» kimyo zavodida kuchli portlash yuz berdi. Bu haqda lenta.ru kimyoviy va farmatsevtika kompaniyasi operatori «Currenta» vakili Matias Shaytxauerga asoslanib xabar bermoqda.

Hodisa Leverkuzen shahrida sodir bo'lgan. Internetda tarqalgan lavhalarda zavod binosida kuchli yong'in va qalin qora tutun aks etgan.

Kompaniya vakilining so'zlariga ko'ra, hozirda o't o'chiruvchilar portlash sodir bo'lgan joyda ish olib bormoqda. Mutasaddilar zavod yaqinidagi hududlarning aholisidan deraza va eshiklarni yopib qo'yish so'ragan.

Ayni paytda tezkor guruh voqea sabablarini aniqlamoqda. Hozircha jabrlangan va jarohatlanganlar haqida ma'lumot yo'q.

loading...