КУН КУЛГИСИ!!!

0

***

Дадаси билан бирга боғчага кетаётган болакай деди:

— Бугун боғчамизга комиссия келаркан. Дада, улар нимани текширишади?

— Сизларга қандай қарашаяпти, овқат беришаяптими-йўқми, сизлар қандай ухлаяпсизлар… Шуларни текширишади.

— Мен қўрқиб кетаяпман.

— Нимага қўрқасан?

— Бурни оқадиганларниям текшириб қолишса-я!?.

 

***

— Яқинда биз томонда зўр воқеа бўлди. Келинни тўйдан сўнг тўппа-тўғри туғруқхонага олиб кетишди.

— Э, бу нима бўпти. Мана биз тарафда ҳайратланарли воқеа бўлган. Куёвни тўйдан сўнг бошқа тўйга олиб кетишган.

 

***

— Вой, дугонажон, сени танимабман-а!

— Нимага?

— Кўринишинг яхшиланибди.

 

***

Врач ҳаддан зиёд семириб кетган аёлдан сўради:

— Озиш учун дори ичаяпсизми?

— Албатта.

— Қанчадан ичасиз?

— Вой, қанча деганингиз нимаси? Қорним тўймагунча ичавераман.

 

***

Бокс бўйича мураббий            шогирдига деди:

— Ҳимояни ҳеч қачон унутма! Акс ҳолда параолимпиадаларда қатнашадиган бўлиб қоласан.

 

***

Икки йигит “Кимнинг ити ақлли?” деган мавзуда баҳслашаяпти.

— Менинг итим пайпоқларимни ювади, овқат пиширади.

— Меники бўлса, уйга янги газеталар олиб келади.

— Э, меникиям почта қутисидаги газеталарни уйга олиб келади.

— Йўқ, тушунмадинг. Мен умуман газеталарга обуна бўлмаганман.

 

***

Қадимда, ҳали рақамлар мавжуд бўлмаган пайтларда эртакларни қуйидагича айтишган экан:

— Бўри ва мана бунча эчки болалари…

— Али бобо ва кўплаб-кўплаб қароқчилар…

 

***

Золушка ўксиб-ўксиб йиғларди. Ўткинчи ундан сўради:

— Қизалоқ, нега йиғлаяпсан?

— Мен бугун балга бора олмас эканман.

— Нега бора олмас экансан?

— Чунки, бал эртага-а!!!

 

***

Почтачи Печкин деди:

— Илгари мен жуда жаҳлдор эдим,

— Нимага?

— Негаки, велосипедимнинг мен ўтирадиган ўриндиғи йўқ эди.

 

***

Совет даври шундай мактаб ҳисобланганки, сен қанча аъло баҳоларга ўқимагин, барибир иккинчи йилга қолдираверишган,

 

***

Старшина ротани сафлантириб деди:

— Хўш, жангчилар, ким бугунги янги йил байрамида Қорбобо бўлади? Бир қадам олдинга чиқсин!

Аскарлар жим.

Старшина:

— Жангчилар, нима бўлди сизларга? Ҳаммангиз Қорқиз бўлишни истайсизми нима бало?

 

 

loading...