Барчага маълумки, жорий йилнинг 20 август куни Президент Шавкат Мирзиёев тадбиркорлари билан илк бор очиқ мулоқот ўтказиб, унда тадбиркорлардан давлат ва жамоат эҳтиёжлари учун олиб қўйилган мулклари зарарини маҳаллий ҳокимликлар тўлиқ қоплаши айтилган эди.
Маълум қилинишича, Қашқадарёда жорий йилнинг август-сентябрь ойлари давомида вилоят бўйича 70 та тадбиркорлик субъектларига нотурар объектлари зарарини қоплаш учун 11 млрд. 527.4 млн. сўм маблағ тўлаб берилган.
Юқоридаги маълумотларга асосан, ер участкаларига оид тадбиркорларга етказилган зарарларни тўлаб беришда энг кўп ҳолат Муборак туманида қайд этилган бўлиб, биргина туманда 34 та нотурар объектлар учун 3 млрд. 56.6 млн. сўм ажратилган. Шунингдек, кейинги 2 ва 3-ўринларда Қарши шаҳри (2182.2 млн.) ва Чироқчи туманлари (2011.9 млн.) бўлиб, мос равишда зарар миқдорлари тўлаб берилди.
darakchi.uz
