8 ёшли қизнинг умрига зомин бўлган эркакка ҳукм ўқилади

0

Тожикистон Олий суди Рудакий туманида яшовчи, 8 ёшли Руфейда Иноятовани ўлдиришда айбланаётган шахснинг жиноят ишини кўриб чиқишни якунлади.

 

Бугун ўлдирилган қизнинг қўшниси, 30 ёшли Раҳматулло Гадоевга нисбатан ҳукм эълон қилиниши кутилмоқда. Суд ёпиқ эшиклар ортида ўтди ва ҳеч бир томон суд жараёни тафсилотлари ҳақида гапиришни хоҳламади.

 

Исми сир қолишини истаган суд иштирокчиси «Озодлик» радиосига берган интервьюсида, 18 октябрь, душанба куни суд айбланувчи ва унинг адвокатининг охирги сўзларини эшитиб, маслаҳатлашув хонасига чиқиб кетди. Судя, ҳукм бугун, 19 октябрь куни эълон қилинишини маълум қилди.

 

8 ёшли Руфейда Иноятованинг шафқатсиз қотиллиги 4 июль куни Рудакий туманининг Навобод қишлоғида содир бўлган. Қариндошларнинг сўзларига кўра, Руфейда бувисининг уйидан 20-30 метр нарида жойлашган ҳожатхонага бориб, ғойиб бўлган. Эртаси куни ҳуқуқни муҳофаза қилиш органлари қизнинг бўлакларга бўлинган жасадини топдилар.

 

30 ёшли Раҳматулло Гадоев шафқатсиз қотилликда айбланмоқда.

 

Руфейданинг ўлдирилиши жамоатчиликнинг катта норозилигига сабаб бўлди. Ижтимоий тармоқ фойдаланувчилари бу даҳшатли жиноятни қоралаб, зўрлаганларга нисбатан жазони қаттиқроқ қилишни талаб қилишди. Ва Тожикистон фуқаролик жамияти вакиллари парламент юқори палатаси Мажлиси Миллий раиси Рустам Имомали номига мурожаат матнини туздилар, унда болаларга нисбатан зўравонлик глобал муаммо деб аталди.

loading...