Rossiyaning Belgraddagi elchixonasi Kosovodan diplomatlarning chiqarib yuborilishini tan olmadi

0

Kosovo ma'muriyatining rossiyalik ikki nafar diplomatni chiqarib yuborish to'g'risidagi qarori yuridik kuchga ega emas, Rossiya bu masala bo'yicha BMTning Kosovo bo'yicha missiyasi bilan hamkorlik qilmoqda, dedi Rossiyaning Belgraddagi elchixonasi vakili.

“Kosovoning mustaqilligini tan olmaymiz, shunga muvofiq, o'lka hukumati va boshqa tuzilmalarni ham. Biz uchun Prishtinaning hech qanday qarori huquqiy kuchga ega emas”, – dedi u.

Diplomat bu qarorni mutlaqo nomaqbul deb atadi.

22 oktyabr kuni qisman tan olingan Kosovo Respublikasi prezidenti Vosa Osmani Rossiyaning Serbiyadagi elchixonasi Prishtina filialida faoliyat ko'rsatuvchi ikki nafar diplomatini persona non grata deb e'lon qilinganini bildirdi.

Uning ma'lum qilishicha, Osmani bosh vazir o'rinbosari, ichki ishlar vaziri Donik Gervall-Shvarsdan Rossiyaning ikki diplomatini Kosovo milliy xavfsizligi va konstitutsion tuzumiga raxna soluvchi zararli faoliyati sababli persona non grata deb e'lon qilishni so'ragan.

interfax.ru

loading...