Пандемия сабабли уларнинг тўйи қолдирилган эди.
Болливуднинг машҳур жуфтлиги Алия Бҳатт ва Ранбир Капур қачон турмуш қуриши маълум қилинди.
Жуфтлик 2021 йилнинг декабрь ойида тўйларини ўтказишни режалаштираётганини билдирган ва шу туфайли ҳозирда улар барча суратга олиш ишларини номаълум муддатга қолдирган. Машҳур актёр Ранбир Капур маҳаллий каналлардан бирига берган интервьюсида «Агар пандемия бўлмаганда, биз ўтган йили турмуш қурган бўлар эдик», деб айтиб ўтган.
Оламга «Бобби» кинофильми орқали танилган машҳур актёр, Ранбир Капурнинг отаси Риши Капур 2020 йилда саратонга чалингани боис жуфтлик ўз тўйларинини тезлаштиришга қарор қилган. Бироқ, бу даврда Риши Капур вафот этган ва мамлакатда пандемиянинг авж олиши оқибатида уларнинг тўйлари қолдирилган.
