Хитой жанубида кучли ёмғирдан 50 мингга яқин киши жабр кўрди

0

Хитой жанубидаги Гуанси-Чжуан автоном туманида кучли ёмғир оқибатида юзага келган сув тошқинлари оқибатида 50 мингга яқин одам жабр кўрди. Бу ҳақда маҳаллий фавқулодда вазиятлар департаменти маълум қилди.

Гуанси-Чжуан автоном туманидаги (ГЧАТ) табиий офат 3,8 минг гектардан ортиқ майдондаги экинларга зарар етказди, 120дан ортиқ бино вайрон бўлди ва шикастланди.

Пайшанба куни ГЧАТнинг қирғоқбўйи ҳудудларида ёмғир ёғди, баъзи жойларда ёғингарчилик миқдори 150 ммдан 250 мм гача етди.

Маҳаллий об-ҳаво хизмати фавқулодда вазиятлар бўйича даражасини тўртинчи даражага кўтарди ва аҳолига кўчки ва тошқинларга мойил бўлган ҳудудлар ва жойлардан қочишни тавсия қилди.

Эслатиб ўтамиз, Хитойда фавқулодда вазиятларда фавқулодда чоралар кўришнинг тўрт даражали тизими мавжуд.

ria.ru