Reuters агентлигининг хабар беришича, АҚШ Туркияга Ф-16 қирувчи самолётлари сотилганини тасдиқлаган.
Анқара Финляндия ва Швециянинг НАТО аъзолигига рози бўлганидан бир кун ўтиб, чоршанба куни Байден ҳукумати Туркияга Ф-16 қирувчи самолётларини сотиш имкониятини қўллаб-қувватлади.
АҚШ Мудофаа вазирининг халқаро хавфсизлик масалалари бўйича ўринбосари Селест Уолландер Туркиянинг ҳарбий кучини ошириши минтақада НАТОни кучайтиришини айтди.
Аввалроқ Туркиянинг HaberTurk нашри Туркияга Ф-16 қирувчи самолётлари етказиб берилиши ҳақида ёзган эди.
