АҚШ Украинага ўзини ҳимоя қилиш учун “қанча қурол керак бўлса, шунча қурол етказиб беради”, деб баёнот берди АҚШ мудофаа вазири Ллойд Остин Латвияга ташрифи чоғида.
«АҚШ Украинанинг хавфсизлиги учун кўп ёрдам кўрсатди. Бироқ биз ресурс топиш учун бирга ишлаётган 50 та мамлакат билан ҳамжиҳатликда ёрдам беришни давом эттирамиз.
Биз Украинага ёрдам беришга чоғланганмиз, унга ҳудудини ҳимоя қилиш учун қурол-яроғ ва техникалар бераяпмиз. Биз буни қанча керак бўлса, шунча қиламиз», – деди Остин. Унинг чиқишини Пентагон сайти намойиш қилиб борган.
