Килиан Мбаппе ва Неймар ўртасида юзага келган можародан «ПСЖ» клуби раҳбариятининг жаҳли чиқди. «Монпелье»га қарши ўйиндан (5:2) сўнг Неймар ижтимоий тармоқларда ёзилган фикрларга «лайк» босиб, ушбу можарога замин яратди.
Хусусан, «Неймар бугун яна бир бор пенальтини аниқ амалга оширди. Мбаппе эса ноаниқ бажарди. Ўйиндан сўнг ўтказилган матбуот анжуманида «ПСЖ» бош мураббий Мбаппе жамоанинг доимий пенальти тепадиган футболчиси бўлишини айтди. Абсурд!» – деб ёзилади Неймарга ёққан постлардан бирида.
Бундан ташқари, Мбаппе «ПСЖ»дан Неймарни сотиб юборишни сўрагани ҳақида маълумотлар тарқалди.
«L’Équipe» тарқатган хабарга кўра, клуб икки ўйинчи ўртасида учрашув ташкил қилиб, юзага келган кескинликни барҳам топтиришга ҳаракат қилди. Учрашувда бош мураббий Кристоф Галтье ва клуб спорт директори Луиш Кампуш иштирок этади.
