ЖССТ коронавирус муолажасида қўлланилаётган икки доридан воз кечишни тавсия қилди

0

Жаҳон соғлиқни сақлаш ташкилоти COVID-19ни даволаш бўйича баъзи тавсияларини янгилади. Унга кўра, энди коронавирусга чалинган беморларда икки препарат — Сотровимаб ва Казиривимаб/имдевимаб дориларини қўллаш мақсадга мувофиқ эмас!

Бу хулоса учун халқаро экспертлар томонидан ўтказилган чуқур лаборатория текширувлари асос бўлди. Маълум бўлишича, пандемиянинг дастлабки даврида фойдаланилган мазкур фармацевтик маҳсулотлар аллақачон эскирган ва коронавируснинг сўнгги штаммларига қарши етарли самара бермайди.

Ташкилот тавсиялари биринчилардан бўлиб АҚШда ҳаётга татбиқ этилди. Натижада ҳар икки препарат мамлакат фармацевтика бозоридан чиқариб ташланди.

Шунингдек, ЖССТ вирусга қарши дори воситаси — Ремдесивирни хасталикнинг оғир даражаларини бошдан кечираётган ҳамда стационар шароитда даволаниш хавфи юқори бўлган беморларда қўллаш юзасидан ўз тавсияларини берди.

ФИКР БИЛДИРИШ

Please enter your comment!
Please enter your name here