Туркия ғарбидаги Денизли провинцияси губернатори Али Фуат Атикнинг маълум қилишича, ўрмон ёнғинини ўчиришда қатнашган вертолёт Чардак қишлоғи яқинида қулаган, деб хабар бермоқда Анадолу агентлиги.
Воқеа жойига қутқарув гуруҳлари жўнатилган.
Чардак шаҳар ҳокими Хюсню Йилмаз, Аджигел шаҳрида ёнғинга қарши вертолётнинг қулаганини қайд этган.
Охирги маълумотларга кўра, вертолёт қулаши натижасида 2 киши ҳалок бўлган, беш киши жароҳатланган.
Туркия Ички ишлар вазирлиги вертолёт бортидаги етти кишидан беш нафари Россия фуқаролари эканини маълум қилган.
