Тўғрисини айтганда, мен сизни “Фейсбук”да анчадан бери кузатиб келаман. Ёзган фикрларингиз сизнинг ўта тақводорлардан бири эканлигингизни кўрсатиб турибди (Аллоҳ ёлғончи қилмасин). Бироқ сиёсат масаласида тийилганингиз маъқул. Битта савол: ҳаром нима?.. Яшанг, Аллоҳ таоло бизга ниманики мумкинмас, деган бўлса, шуларнинг ҳаммаси ҳаром. Қилиб бўлмайдиган амал… Тамом.
Хўш, Украинанинг бошига бу фалокатлар ўз-ўзидан келдими? Йўқ, албатта. Мамлакатда урушдан олдин энг аввал коррупция чўққига чиқиб кетди. Шаҳарлар фоҳишалар билан тўлиб тошди. Алкогол ичувчилар адоқсиз бўлиб кетди. Инсон қадри ер билан битта бўлди. Ёлғончилик, бировни чув тушириш авж олди. Украина шарқи билан ғарби орасида қандайдир душманлик кайфияти пайдо бўлди. Тўғрироғи эса, ғарб шарқни бир тийинга олмай қўйди. Ва Аллоҳ уларни жазолаш учун Путинни юборди… Шундай десак, тўғри бўладими? Ҳар қалай, башорат қилиб, гуноҳга ботмаяпмиз, чунки бундай воқеалар кўз ўнгимизда бўлиб турибди… Шундай экан, ҳадеб русларни ёки Россияни айблайвермасдан, ўзимизникиларни тарбиялаш керак: Ватанни ҳимоя қилиш руҳида. Дин-диёнатли қилиш йўлида ишлаш керак кимларгадир ён босмасдан. Акс ҳолда…
Хоразм хонлигини Чор Россияси қандай қилиб босиб олганини ўқиган бўлсангиз керак. Хон ва унинг ён-атрофидагилари халқни шундай аҳволга олиб келишганки, натижада оддий халқ душманни нон ва туз билан кутиб олган. Ваҳоланки, ўша пайтда душман аскарлари роса ҳолдан тойган, очликдан қийналган пайт бўлган… Шу тарих яна такрорланиб қолмасдан ҳаракат қилиб қолмоқлик зарур… Мен рус қули эмасман, айни пайтда украинларни ҳам ёқламайман!..
