Давлат Думасининг давлат қурилиш ва Қонунчилик қўмитаси фуқароларнинг шахси ва ҳуқуқларига тажовуз қилувчи диний, жамоат бирлашмаси ёки чет эллик агент билан нотижорат ташкилот тузганлик учун жиноий жавобгарликни кучайтириш тўғрисидаги қонунчиликка киритилган тузатишларни маъқуллади.
Фаолияти фуқароларга нисбатан зўравонлик ёки уларнинг соғлиғига бошқа зарар етказиш билан боғлиқ бўлган диний ёки жамоат бирлашмасини ташкил этиш, шунингдек, бундай бирлашмани бошқариш 5 йилгача мажбурий меҳнат ёки 7 йилгача озодликдан маҳрум қилиш билан жазоланади, деб назарда тутилмоқда (ҳозирги вақтда жарима ёки 4 йилгача озодликдан маҳрум қилиш белгиланган).
Шунингдек, фаолияти фуқаролик мажбуриятларини бажаришдан бош тортишга ёки бошқа ноқонуний хатти-ҳаракатларни содир этишга ундаш билан боғлиқ бўлган нодавлат нотижорат ташкилотини (шу жумладан чет эл агенти томонидан тан олинган нодавлат нотижорат ташкилотини) ёки таркибий бўлинмасини ташкил этиш учун жавобгарлик кучайтирилмоқда. Бундай ташкилот ёки таркибий бўлинмани бошқариш 5 йилгача мажбурий меҳнат ёки 6 йилгача озодликдан маҳрум қилиш билан жазолаш таклиф этилган (жорий қонунда 3 йилгача озодликдан маҳрум қилиш назарда тутилган).
Тузатишларда ушбу ташкилотлар фаолиятида иштирок этганлик учун, шунингдек қайд этилган хатти-ҳаракатларни тарғиб қилганлик учун 200 минг рублгача жарима ёки маҳкумнинг 18 ойгача бўлган иш ҳақи ёки бошқа даромадлари миқдорида ёки 400 соатгача мажбурий меҳнат билан жазоланиши таклиф этилган. Юқоридаги нормаларнинг турига қараб 2 йилгача ахлоқ тузатиш ишлари ёки 3 йилгача озодликдан маҳрум қилиш , 4 йилгача мажбурий меҳнат ёки 4 йилгача озодликдан маҳрум қилиш кўзда тутиляпти (ҳозирги вақтда жазо нисбатан енгил. Хусусан, 120 минг рублгача жарима ва 2 йилгача озодликдан маҳрум қилиш).
Тузатишлар 2022 йил 1 декабрдан кучга киради.
islam-today.ru
