Лионель Месси The Guardian талқинига кўра, 2022 йилнинг энг яхши ўйинчиси деб топилди.
Нашр рейтингида 2-ўриндан «ПСЖ» ва Франция миллий жамоаси форварди Килиан Мбаппе жой олган бўлса, 3-поғонадан «Реал» ҳужумчиси Карим Бензема жой олган.
4-ўринни ўтган йил «Боруссия» ва «Манчестер Сити»да тўп сурган Эрлинг Ҳоланд эгаллаган бўлса, Лука Модрич («Реал») бешликни ёпиб берган.
Топ-10ликдан Кевин де Брюйне (6-ўрин, «Манчестер Сити»), Роберт Левандовски (7-ўрин, «Барселона»), Винисиус Жуниор, Тибо Куртуа (8 ва 9-ўринлар, иккиси ҳам – «Реал») ва Муҳаммад Салоҳ (10-ўрин, «Ливерпуль») жой олган.
Маълумот учун, Месси 2021 йил нашр талқинига кўра 2-ўриндан жой олганди. У 2022 йилда клуби билан Франция чемпиони ва миллий жамоаси билан ЖЧ-2022 чемпионлигини қўлга киритди.
