Франция президенти Эммануэл Макрон Россия билан мулоқотни давом эттиришини айтди.
Франциянинг BFMTV телеканали хабарига кўра, Елисей саройидаги зиёфатда сўзлаган президент Украинадаги қонли жанглар мавзусига изоҳ берди.
“Баъзи одамлар мени Москва билан мулоқотим учун танқид қилишади. Аммо шуни айтишим мумкинки, мен Россия билан мулоқотни давом эттираман”, — деди Макрон.
Шу билан бирга, у «империалистик уруш» га қарши эканлигини билдирган.
“Агар биз империалистик урушни эътиборсиз қолдирсак, қандай қилиб эркин ва барқарор дунё тартибини ҳимоя қиламиз?” деди сиёсатчи ва барча мамлакатларни масъулият билан ёндашишга чақирди.
Аввалроқ Макрон АҚШга ташрифи якунлари бўйича интервьюсида, бўлажак Европа хавфсизлик архитектураси Россия учун кафолатлар бериши кераклигини айтган эди.
Шу билан бирга, Макрон Украина можаросини ҳал қилишнинг ҳарбий йўлларини кўрмаётганини таъкидлаб, бу вазиятдан чиқишнинг ягона йўли музокаралар эканини айтган.
Макроннинг бу баёноти Украина ҳукумати вакиллари, шунингдек, Болтиқбўйи мамлакатлари ва бошқа Европа давлатларининг кескин салбий жавобларига сабаб бўлди.
ТАСС
