Мюнхен хавфсизлик конференцияси раҳбари ва собиқ канцлер Ангела Меркелнинг ташқи сиёсат бўйича собиқ маслаҳатчиси Кристоф Хойсген (суратда) Германия Киевнинг қирувчи самолётлар етказиб бериш бўйича сўровини қондира олади, деб ҳисоблайди. Хусусан, у ГДРнинг эски захираларидан Америка Ф-16 қирувчи самолётлари ва Совет томонидан ишлаб чиқилган ҳарбий самолётларни тилга олди.
«Менимча, қирувчи самолётлар етказиб бериш бўйича сўров етарли, чунки улар ёрдамида Украина Россия ҳужумларидан ўзини яхшироқ ҳимоя қила олади», — дейди Хойсген АRD телеканали эфирида.
Айни пайтда Германия канцлери Олаф Шольц Tagesspiegel газетасига берган интервьюсида Украинага қурол етказиб бериш борасида танлаган эҳтиёткор йўлдан бориш ниятида эканини тасдиқлади.
«Агар [Берлин Киевга қирувчи самолётлар етказиб бермаслиги ҳақидаги] қарордан кейин Германияда яна бир мунозара бошланса, бу унчалик жиддий кўринмайди ва фуқароларнинг ҳукумат қарорларига бўлган ишончига путур етказади», — деди Шольц.
