Myunxen xavfsizlik konferensiyasi rahbari va sobiq kansler Angela Merkelning tashqi siyosat bo'yicha sobiq maslahatchisi Kristof Xoysgen (suratda) Germaniya Kiyevning qiruvchi samolyotlar yetkazib berish bo'yicha so'rovini qondira oladi, deb hisoblaydi. Xususan, u GDRning eski zaxiralaridan Amerika F-16 qiruvchi samolyotlari va Sovet tomonidan ishlab chiqilgan harbiy samolyotlarni tilga oldi.
«Menimcha, qiruvchi samolyotlar yetkazib berish bo'yicha so'rov yetarli, chunki ular yordamida Ukraina Rossiya hujumlaridan o'zini yaxshiroq himoya qila oladi», — deydi Xoysgen ARD telekanali efirida.
Ayni paytda Germaniya kansleri Olaf Shols Tagesspiegel gazetasiga bergan intervyusida Ukrainaga qurol yetkazib berish borasida tanlagan ehtiyotkor yo'ldan borish niyatida ekanini tasdiqladi.
«Agar [Berlin Kiyevga qiruvchi samolyotlar yetkazib bermasligi haqidagi] qarordan keyin Germaniyada yana bir munozara boshlansa, bu unchalik jiddiy ko'rinmaydi va fuqarolarning hukumat qarorlariga bo'lgan ishonchiga putur yetkazadi», — dedi Shols.
