1 февраль куни Олмаота-Тошкент автомобиль йўлининг 570-километрида – Жуалин тумани Нурликент қишлоғи яқинида двигателида носозлик юзага келган автобус тўхтаб қолган.
Автобусда 51 нафар йўловчи бўлган. Воқеа жойига етиб келган қозоғистонлик қутқарувчилар 33 нафар Ўзбекистон ва 18 нафар Тожикистон фуқаросини Нурликент қишлоғидаги маданият марказига етказган ва улар иссиқ овқат билан таъминланган.
Шу куни барча йўловчилар Чимкент шаҳридан қўшимча чақирилган автобусда манзилларига жўнатилган.
