Федор Емельяненко сўнгги бор рингга чиқади. 46 ёшли россиялик жангчининг рақиби америкалик Райан Бейдер бўлади. Жанг Bellator 290 турнири доирасида Лос-Анжелесда бўлиб ўтади.
Бу реванш жангидир: Емельяненко ва Бейдер 2019 йилнинг январида ўзаро жанг қилишган, ўшанда америкалик биринчи дақиқада нокаут билан ғалаба қозонган.
Емельяненко фаолиятида 40 та ғалаба ва 6 та мағлубият қайд этган. 39 ёшли Бейдер ҳисобида 30 та ғалаба ва 7 та мағлубият бор.
