Бир неча кун олдин Mittivine номи билан танилган машҳур блогер Фарҳод Маннопов 27 ёшида вафот этган эди.
Кеча 13 март куни Фарҳод Манноповнинг дўстлари Севара Назархоннинг “Кўргим келади” қўшиғига ишланган видeони эълон қилишди. Видеода жамоа аъзолари ғамгин ҳолатда турли йўналишларда тарқалиб кетишади. Кўплаб фойдаланувчилар жамоанинг тарқалиб кетганини тахмин қилишди.
Бироқ жамоанинг расмий Телеграм каналида улар ажралиш ниятида эмаслиги ҳақида хабар берилди.
“Биз қайтамиз, чунки Фарҳод Ўзбекистоннинг энг кучли жамоаси бўлишимизни хоҳлаган! Дўстимиз ҳақига дуо қилган ва бу оғир кунда биз билан бирга бўлган барчага катта раҳмат”- дейилади каналда.
