Бу бренд остидаги 73 та хўжалик субъектига қарашли 101 та автомобилларга газ қуйиш шохобчасининг табиий газ ва электр тармоқларидан ноқонуний фойдаланиши ҳолатлари ўрганиляпти. Бу ҳақда ЎзА хабар тарқатди.
Эслатиб ўтамиз, президент 6 феврал кунги йиғилишда “энергетика ресурслари хўжасизларча талон-торож қилинаётгани”, метан-шохобчалар устидан назорат “бутунлай издан чиққани”ни айтганди.
Кўп ўтмай қабул қилинган ҳужжатларга асосан, прокуратура ва энергоинспекцияга энергетикадаги ўғриликларга қарши курашиш бўйича қўшимча вазифалар юклатилди.
1 майдан эътиборан барча газ шохобчаларида электрон ўлчаш ускуналари ва онлайн видеокамералар мажбурий ўрнатилиши белгиланди.
Бош прокуратура энергия ресурслари талон-торож қилинаётгани ҳақида хабар бериш учун Telegram-ботни ишга туширган.
