Халқ депутатлари Сурхондарё вилояти кенгашига 3-Дарбанд сайлов округидан сайланган Боболов Тўра Абдиевичнинг депутатлик ваколати муддатидан олдин тугатилди.
У жорий йилнинг 24 февраль куни Савдо-саноат палатаси раисининг биринчи ўринбосари ва Ўзбекистон томони ишбилармонлар кенгаши ҳамраиси сифатида фаолиятини бошлади.
Эслатиб ўтамиз, 2022 йил 26 декабрда президент фармонига кўра, Тўра Боболов бошқа ишга ўтиши сабабли лавозимидан озод этилган эди.
Тўра Боболов 2019 йилдан буён Сурхондарё вилояти ҳокими лавозимида ишлаб келган. 2017-2019 йилларда Сурхондарё вилояти ҳокимининг иқтисодиёт ва тадбиркорлик масалалари бўйича биринчи ўринбосари лавозимини эгаллаган.
