22 август куни Шимолий Корея Жанубий Ҳамгёнг провинциясининг Хуннам соҳиллари яқинидаги ҳудуддан Шарқий денгизга қанотли ракета учирди.
Сал аввал 16 март куни Шимолий Корея Япон денгизи томон баллистик ракета учирган, у тахминан 1000 километр учиб ўтиб, Хоккайдодаги Ошима ярим оролидан 200 километр узоқликда қулаб тушди. Токио Пхеняннинг ҳаракатларига кескин норозилик билдирди.
Япония Мудофаа вазирлиги КХДР ракетасининг учирилиши навигация ва ҳаво ҳаракати қоидаларини бузишга олиб келмагани ҳақида хабар берди. Шу билан бирга, департамент Пхеняннинг бундай ҳаракатлари ҳам Япония, ҳам бутун минтақа тинчлиги ва хавфсизлигига таҳдид солаётганини таъкидлади.
Аввалроқ БМТ Хавфсизлик кенгашининг ўнта давлати КХДРнинг ракета учирилишини қоралагани хабар қилинганди. Россия ва Хитой уларга қўшилмади. АҚШнинг БМТдаги элчиси Линда Томас-Гринфилд Пхеняннинг хатти-ҳаракатлари бепарво ва хавфли эканлигини, шунингдек, бутун дунёда ядро қуролини тарқатмасликка путур етказишини айтди.
