Дунёда 761 миллион киши коронавирус билан касалланган – ЖССТ

0

 

Жорий йилнинг 20 февралидан 19 мартгача 3,7 миллиондан ортиқ одам коронавирус билан касалланган, 26 мингдан ортиқ киши вафот этган. Жаҳон соғлиқни сақлаш ташкилоти (ЖССТ) маълумотларига кўра, ўлганлар сони олдинги 28 кунга нисбатан 46 фоизга, вирусни юқтирганлар сони эса 31 фоизга камайди.

ЖССТ ахборот бюллетенига кўра, дунёда тўрт ҳафта ичида 3 738 575 киши коронавирус билан касалланган ва улардан 26 147 нафари вафот этган.

28 кун ичида энг кўп касалланиш АҚШда қайд этилган – 792 202, Россия (339 564), Хитой (320 029), Япония (291 672) ва Германия (281 468). 20 февралдан 19 мартгача бўлган даврда АҚШ 8187 та ўлим ҳолати билан биринчи ўринда, ундан кейинги ўринларда Буюк Британия (2474), Япония (1898), Бразилия (1587) ва Хитой (1472) жойлашган.

ЖССТ маълумотларига кўра, пандемия бошланганидан 21 мартгача дунёда 761 071 826 киши коронавирус билан касалланган ва 6 879 677 киши вафот этган.