АҚШ Президенти Жо Байденнинг ҳаракацизлиги мамлакат тарихидаги илк дефолтга олиб келиши мумкин, деди АҚШ Конгресси Вакиллар палатаси спикери Кевин Маккарти.
У давлат қарзи бўйича дефолтга 10 кун қолганини эслатди. Маккартининг сўзларига кўра, Байден узоқ вақт давомида «яқин инқироз»га эътибор бермаган.
«Президентнинг ҳаракацизлиги туфайли Америка тарихидаги биринчи дефолтга дучор бўлиш хавфи бор»,- деб ёзган Маккарти ижтимоий тармоқда.
Конгрессмен Байденни давлат қарзи масалалари бўйича музокаралар бошлашга бир неча бор чақирганини, бироқ мамлакат раҳбари фақат май ойи ўрталарида музокаралар зарурлигига рози бўлганини эслатди.
Аввалроқ АҚШ молия вазири Жанет Еллен АҚШ 1-июнда дефолтга учраши мумкинлигини тан олганди. У америкаликларнинг кредит лаёқатини ҳимоя қилишга ва қарз шифтини оширишга чақирган.
