Украина президенти Владимир Зеленский мамлакати уруш тугамагунча НАТОга қўшила олмаслигини тан олди.
«Биз адекват одамлармиз ва бирорта ҳам НАТО давлатини урушга тортмаслигимизни тушунамиз. Шунинг учун биз бу уруш давом этаётган пайтда НАТО аъзоси бўлмаслигимизни тушунамиз. Биз хоҳламаганимиз учун эмас, балки бу мумкин эмас”, – деди у.
Украина президентининг таъкидлашича, Киев НАТОга муқобил изламаяпти.
“Ҳозир НАТОнинг қайси давлати Россия билан урушаётгани ёки қайси давлатда рус қўшинлари борлигига мисол келтиринг. Бу НАТОга аъзолик Украина учун энг яхши кафолат эканлигини кўрсатади”, деб тушунтирди украиналик сиёсатчи.
