Ўзбекистонлик боксчи Марлон Тапалесга қарши жангда камарларини бой бергач, Аҳмадалиевнинг вакиллари ВБАъдан реванш жангини сўраганди. Тапалес жамоаси эса 25 июль куни ВБС ва ВБО камарлари учун бўлиб ўтадиган Наоя Иноуэ ҳамда Стивен Фултон жанги ғолибига қарши рингга чиқиш учун рухсат сўраган.
ВБА Аҳамадалиев промоутерларининг сўровини рад этган ва Томоки Камедага қарши жанг ўтказиш вазифасини қўйган. Ушбу жанг Элиминатор мақомига эга бўлиб, унинг ғолиби ВБА камарига мажбурий даъвогарга айланади.
Ташкилот ўз навбатида Тапалеснинг сўровини қабул қилган ва унга кейинги даъвогарни эркин танлаш имкониятини тақдим этган. Филиппинлик боксчи Фултон—Иноуэ жанги ғолибига қарши рингга чиқмоқчи.
