Тошкент вилояти, Тошкент туманининг Кўктерак ҳудуди, «Учсада» МФЙ ҳудудидан оқиб ўтувчи «Захариқ» каналига 6 ёшли бола тушиб кетган. Воқеа 2023 йилнинг 3 июн куни содир бўлган.
Маълум қилинишича, тегишли ташкилотлар боланинг жасадини топиш учун Сув хўжалиги вазиридан «Захариқ» канали сувини бир кунга тўхтатиб туришга рухсат сўраган.
Бироқ «юқори»дан сувни тўхтатиб туришга рухсат берилмаётгани айтилмоқда.
Болакайнинг яқинлари ҳали ҳам унинг жасадини топа олишгани йўқ.
Эслатиб ўтамиз, куни кеча мазкур ҳудудда 9 синф ўқувчиси ҳам чўкиб кетиб, жасади бир кундан сўнг топилганди.
