Бразилия жанубида энг қадимги йиртқич ҳайвон – Пампапҳонеус биccаи ёки пампафонанинг тошга айланган суяклари палеонтологлар томонидан топилди. Йиртқич 265 миллион йил аввал Жанубий Америкада яшаган.
Олимлар ҳайвоннинг яхши сақланиб қолган бош суяги, қовурғалари ва олд панжа суякларини топдилар. Пампа Федерал университети профессори Фелипе Пинейронинг таъкидлашича, топилма сайёра тарихидаги энг йирик йўқ бўлиб кетиш ҳодисасидан бироз олдин ер экотизимлари жамоалари қандай ташкил этилгани ҳақида маълумот олишга ёрдам беради.
Табиатда пампафоналар йўлбарслар ва шерлар каби йирик замонавий йиртқичлар бажарадиган хусусиятларга ўхшаш функцияларни бажарган. Улар ўлжани ўткир тишлари билан ушлаб, кучли жағлари билан осонгина чайнаб юборган. Ушбу қадимий йиртқичларнинг узунлиги деярли уч метрни, оғирлиги эса тўрт тоннани ташкил қилган.
Пампафонлар ибтидоий сутемизувчиларнинг дастлабки гуруҳига – терапсидларга тегишли бўлиб, улар диносефаллар деб ҳам аталган.
Бу турдаги йиртқичлар палеозой даврининг охирида, динозаврлар даври бошланишидан 40 миллион йил олдин яшаган. Ўша пайтда диносефаллар ер юзида яшовчи ҳайвонларнинг асосий популяцияси эди, деб ёзади Линнеан жамиятининг зоологик журнали.
