«Ливерпул» «Реал» ва Бразилия терма жамоаси вингери Родриго Гоэсга қизиқиш билдирмоқда.
«Fichajes» нашри хабарига кўра, Салоҳ январда сотилса, «Ливерпул» бразилиялик футболчини Мадрид клубидан сотиб олишга ҳаракат қилади.
Олдинроқ мисрлик футболчига Саудиянинг «Ал-Иттиҳод» клуби қизиқиш билдираётгани ҳақида хабарлар тарқалган эди.
Муҳаммад Салоҳ «Ливерпул»да 2017 йилдан буён ўйнаб келмоқда. Футболчининг инглиз клуби билан шартномаси 2025 йилгача мўлжалланган. Англия чемпионатининг жорий мавсумида Салоҳ «Ливерпул» таркибида бешта ўйин ўтказиб, иккита гол урди ва тўртта голли узатмани амалга оширди.
