Барчамизга маълумки, мамлакатимизда ҳуқуқий демократик давлат қуриш ҳамда одил фуқаролик жамиятини шакллантириш йўлида кенг кўламда ислоҳотлар амалга оширилмоқда..
Инсон ҳуқуқлари, эркинликлари ва қонуний манфаатларининг ҳар қандай манфаатлардан, ҳатто давлат манфаатидан ҳам устунлигини шакллантирмасдан устувор мақсадларимизни рўёбга чиқариш мумкин эмас.
Маълум бўлишича, Ш.М. тадбиркорлик фаолияти орқали парда маҳсулотларини етказиш билан шуғулланиб келган.
Ундан парда маҳсулотларини олган Г.О. қарийб 8 ой ичида на маҳсулотни, на пулни қайтармасдан келган.
Шу сабабли, Ш.М. бу масалада судга мурожаат этган.
Шундан сўнг, Мажбурий ижро бюросининг Жиззах шаҳар бўлими иш юритувига Фуқаролик ишлари бўйича Жиззах туманлараро судининг 06.10.2023 йилдаги Г.О.дан ундирувчи Ш.М. фойдасига 60,5 млн. сўм ундириш ҳақидаги ижро ҳужжати 06.11.2023 йилда келиб тушган ва шу куннинг ўзида ижро иши қўзғатилган.
Давлат ижрочисининг мажбурий ижро ҳаракатлари давомида қарздордан ундирувчига мавжуд 60,5 млн. сўм қарздорлик тўлиқ ундириб берилди.
