Ҳусановнинг «Сити»даги энг яқин дўсти жамоадан кетмоқда
«Манчестер Сити» марказий ҳимоячиси Витор Рейс фаолиятини Испанияда давом эттиради.
19 ёшли бразилиялик футболчи ижара асосида «Жирона»га кўчиб ўтади. Ҳимоячи Ла Лигада тажриба тўплаб, жамоага қайтишни мақсад қилган.
Рейс ҳозирда Transfermarkt порталида 30 миллион еврога баҳоланган. Унинг «шаҳарликлар» билан 2029 йил ёзигача шартномаси бор.
Ҳамюртимиз Абдуқодир Ҳусанов ўз интервьюларидан бирида Рейсни «Сити»даги энг яқин дўсти эканлигини айтганди.
