Хитой Европанинг олти давлати учун визасиз режим жорий этади
Хитой ҳукумати олтита Европа давлати фуқаролари учун бир томонлама визасиз режим жорий қилади. Бу ҳақда Хитой ташқи ишлар вазири Ван И Бутунхитой халқ вакиллари кенгашининг 14-сессиясининг иккинчи сессияси доирасидаги матбуот анжуманида маълум қилди.
“Хитой 14 мартдан бошлаб Швейцария, Ирландия, Венгрия, Австрия, Бельгия ва Люксембург учун визасиз синов режимини жорий қилади”, — деди Ван И.
Хитой хитойлик ва чет эллик кадрлар алмашинувини осонлаштириш, жумладан, тўлов хизматлари сонини кўпайтириш бўйича ташаббусларни илгари суришни давом эттиради, деди у.
Аввалроқ Хитой ҳукумати 2023 йил 1 декабрдан бошлаб Европа Иттифоқига аъзо беш давлат: Испания, Италия, Нидерландия, Франция ва Германия фуқаролари учун бир томонлама визасиз режим жорий қилган эди.
