Бўка туманида айрим ер майдонлари давлат захирасига қайтарилди

Бўка тумани «Бўстон» массивидаги «Innovation Keramic Group» МЧЖ ҳамда «Паркент» массивидаги «Ergash Shuxrat Impeks» фермер хўжалиги ўртасида тузилган ер ижара шартномаси суднинг тегишли қарорига кўра бекор қилинди.

Бу ҳақда Тошкент вилояти ҳокими Зойир Мирзаев тегишли қарорни имзолади.

Шунингдек қарорда, мазкур ер майдонлари давлат мулки сифатида рўйхатдан ўтказилиши ва ердан самарали фойдаланиш чоралари кўрилиши белгиланган.