Зеленский Украинанинг Молдовадаги элчисини ишдан бўшатди
Украина президенти Владимир Зеленский Марк Шевченкони Украинанинг Молдова Республикасидаги Фавқулодда ва Мухтор элчиси лавозимидан озод қилди.
29 мартдаги 192/2024-сонли тегишли фармон Украина давлати раҳбари веб-сайтида эълон қилинди.
«Марк Александрович Шевченко Украинанинг Молдова Республикасидаги Фавқулодда ва Мухтор Элчиси лавозимидан озод этилсин», — дейилади хабарда. Марк Шевченко бу лавозимда 2020 йилдан бери ишлаб келмоқда.
Украина оммавий ахборот воситаларининг ёзишича, Шевченко бу лавозимга Зеленскийнинг 2019 йил 18 декабрдаги 913/2019-сон фармони билан тайинланган.
Шевченко дипломат ва тарихчи, 2014 йилдан бери у Украинанинг Канададаги муваққат ишлар вакили, кейин Украинанинг ушбу мамлакатдаги элчихонаси маслаҳатчиси.
