Европа Иттифоқи Грузияда намойишчиларга нисбатан зўравонликни қоралади
Европа Иттифоқининг ташқи ишлар ва хавфсизлик сиёсати бўйича олий вакили Жозеп Боррел Грузия расмийларининг “хорижий агентлар” ҳақидаги қонун лойиҳасига қарши намойишлар иштирокчиларининг ҳибсга олинишига олиб келган ҳаракатларини қоралади ва Тбилисини тинч митинг ўтказиш ҳуқуқини таъминлашга чақирди.
«Грузия Европа Иттифоқига аъзоликка номзод давлатдир ва мен унинг расмийларини тинч митинг ўтказиш ҳуқуқини таъминлашга чақираман, уларни бостириш учун куч ишлатиш қабул қилиниши мумкин эмас», — деб ёзган Боррел ижтимоий тармоқда.
