Трамп Байденга овоз берган яҳудийларни шарманда деди
АҚШ президенти Жо Байден Исроилни ташлаб кетди, деди Американинг собиқ етакчиси Доналд Трамп навбатдаги суд мажлиси учун Нью-Ёрк судига келганида. Унинг баёнотини Newsmax телеканали эфирга узатди.
«Байденнинг Исроилга қилаётгани шармандалик. Агар яҳудийлардан бирортаси Жо Байденга овоз берган бўлса, улар ўзларидан уялсинлар. У Исроилни бутунлай ташлаб кетду», – деди Трамп журналистларга.
Байден 8 май куни CNN телеканалига берган интервьюсида АҚШ Ғазо секторидаги Рафаҳ шаҳрида йирик ҳарбий ҳужум амалга оширилса, Исроилга қурол етказиб беришни тўхтатишини айтган эди.
