Жиззахда тез ёрдам машинаси пиёдани уриб юборди
Жиззах вилоятида тез ёрдам машинаси пиёдалар ўтиш жойидан йўлни кесиб ўтаётган пиёдани уриб юборгани акс этган видео ижтимоий тармоқларга сиздирилди. Ушбу ҳолат юзасидан Жиззах вилояти ИИБ ЙҲХБ Матбуот хизмати хабар берди.
Аниқланишича, бугун, 23 май куни соат 08:30 атрофида Жиззах вилояти Жиззах шаҳри Шароф Рашидов кўчасида тез тиббий ёрдам машинаси пиёдалар учун белгиланган қисмидан кесиб ўтаётган аёл кишини уриб юбориши натижасида йўл-транспорт ҳодисаси содир бўлган.
