“Ахмат” махсус кучлари отряди Харьков йўналишига юборилди
“Ахмат” махсус тезкор отряди ҳозирда махсус ҳарбий операция учун энг муҳим бўлган Харьков йўналишига юборилди. Бу ҳақда бўлинма қўмондони, Россия Мудофаа вазирлиги Ҳарбий-сиёсий ишлар бош бошқармаси бошлиғи ўринбосари Апти Алаудинов маълум қилди.
“Ахмат” махсус бўлинмалари биринчи кунларданоқ биринчи эшелонда турган бўлинма. Биз ҳеч қачон иккинчи бўлимда бўлмаганмиз. Ҳеч кимдан орқада турмаганмиз. Бу ҳолатда ҳам, албатта, бизни бугунги кунда энг муҳим бўлган ушбу ҳудудга ўтказишгани руҳиятимизни кўтармоқда”, – дея қўмондон сўзларидан иқтибос келтиради РИА Новости.
Алаудиновнинг таъкидлашича, “Ахмат” жангчилари аллақачон янги йўналишга мослашган ва алоқа тармоғини ўрнатган.
“Бизнинг бўлинмаларимиз аллақачон маълум бир жойда ҳужум операциялари билан шуғулланмоқда. Душман қўпорувчилик ва террорчилик фаолиятини амалга оширмаслиги учун қамраб олишимиз керак бўлган ҳудудларни эгаллаб олганмиз”, – дея қўшимча қилди у.
